注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

笔·三文鱼的个人主页

 
 
 

日志

 
 

[3周刊]玩得起 元彪  

2005-11-20 15:14:40|  分类: 默认分类 |  标签: |举报 |字号 订阅

  下载LOFTER 我的照片书  |
首齣處男電視劇《彿山贊師父》播完前兩星期,電視新丁元彪馬不停蹄接連應邀做雜誌訪問,坦言感覺怪怪,不似自己的一貫風格。


不慣嗎?又難怪十萬個不適應。做了廿幾年大銀幕打不死英雄,威盡亞洲電影市場,晨早上晒岸歎世界,根本毋用理會娛樂圈遊戲規則,突然一下子接受再培訓,跟小記者打交道做宣傳,為的只是爭多一兩點收視率。


元彪說,其實冇人迫到他做任何事,只是有劇出街增加曝光當幫一把亦理所當然,更何況無高層叫他幫幫手,梗要身體力行。


就這樣,多謝元彪再不厭其煩說出他的近況和感受,且主旨明確,遊戲人生是目前的首要任務,總之一切玩票性質,想點就點。


「贊師父」講得出做得到,訪問不夠一小時已連環接電話收貼士買馬仔,再做多兩個訪問就飛返加拿大見老婆仔女,《佛》劇大結局收視如何都不管,因為他那時正行緊Wal-Mart掃貨,準備同一家人迎接聖誕兼新年。


會再返來拍劇嗎?


「睇點喇!就到時間又唔太辛苦冇所謂。」實情在無06年節目巡禮小冊子上,已列明元彪會參演警匪動作劇《通天幹探》,萬事俱備,等佢開工,只是對刻下的影壇意興闌珊的元彪,心中那團對演戲的烈火,如今要轉戰熒光幕才得以繼續發光發熱。




低調






數當今動作巨星,觀眾往往率先記起成龍,之後就是李連杰、洪金寶,反而元彪由始至終都浮沉於中游位置,卻又不可或缺。元彪歸究自己唔夠高調,多年來只是一個死做爛做的武打演員,未懂得自我宣傳。


「性格決定命運,由細到大我都係咁靜咁收收埋埋,好少主動同人交際應酬,飲酒唱卡拉OK唔係有問題,不過可免則免,若非工作需要都會一一推掉,拍完戲最鍾意就係返屋企覺,大佬呀,辛苦嘛!好多老一輩記者朋友都知我唔多social,今次訪問同你傾咁多偈已經非常破例,以前做電影宣傳最多去記招同首映禮,要做訪問留番俾導演,想我影多兩張相都難。」


可惜一切已成往事,眼前的元彪踏足電視圈做新丁,一反常態頻頻現身不再深閨,為的是爭取多一點點收視,究竟是妥協還是睇化?


「我覺得演員就係演員,演好自己角色已經做足本份,其他一切宣傳搞新聞唔應該由演員去做,呢行遊戲規則的確唔我,但我又鍾意做演員,以前我行我素唔係咁願意妥協,不過今時今日咪即管作出少少讓步。拍《佛》劇唔同拍電影,好多後期工作要做,特別係宣傳活動一個接一個,初時真係好唔慣,套劇出緊街又不停有人搵我做訪問,以前我一定叫助手推晒佢,家就逐個傾,總之對套劇收視有幫助,我都會盡能力配合。


「樂易玲小姐同監製梁家樹都叫我唔想做訪問就可以不理,但我知大家想套劇收視高,增加曝光當然有幫助。既然我係電視新丁,好應該聽佢意見,諗得阿Q,大家了解我多未嘗不是好事。以前電影圈,我最怕俾人問多兩句就亂寫,家人大睇都會化,唔太執。當然自己行得正企得正人要亂寫都好難,加上近排又話有狗仔隊為料直情入梁詠琪間房搜,就覺得成個娛樂圈搞到愈愈變質,幾得人驚。」




享受






拍《佛》劇的最大得,對四十八歲的元彪來說是享受生命。曾是八十年代影壇武打巨星的他,認為活在當下最重要是能夠享受演戲的樂趣,畢竟人到中年,可以做些自己喜歡做的事,已經是恩賜,夫復何求。


「我57年香港出世,五歲就拜于占元為師學武,當時師父入室徒弟至少百幾人,當中成龍、洪金寶等個個都身手不凡。當時我諗,第時大個除要功夫了得,仲要多一技傍身,咁先比人多一條出路,搵食都易。到十一、二歲,發覺自己愈愈鍾意睇京劇,於是跟師父邊學功夫邊學做戲,就咁知道自己將來一定會走演員呢條路,其他我唔識,淨係識做演員。


「學滿師之後,去嘉禾做幾年武術指導,同埋成龍、洪金寶拍《A計劃》、《東方禿鷹》等,之後再拍《孔雀王子》、《阿修羅》,知道自己東南亞,甚至日本都大有知名度,證明自己理想終於達到。八十年代個個話我好紅,但係我只知道做演員可以搵好多錢,生活無憂已經好滿足,不過我性格太過低調,所以就算有成千上萬日本影迷想見我,我都會無動於衷,就算日本專程派人同我做訪問,亦唔會感覺飄飄然。」






搵食






在元彪口中,做演員隨了是興趣所在,亦是為搵錢養家,就算出唱片也是為搵快錢,銅臭嗎?是!不過夠真,藝術家也要開飯。


「家做藝人可能想發展全面,又拍戲又唱歌,不過當年我日本出過三張唱片,純粹想賺多一筆快錢,所以每次我都唔等分紅一筆過收錢就算。我都好希望繼續拍港產片,不過家市道不景,加上功夫片並非主流,所以我暫時唔會再拍電影,除非有大製作同好戲本。其實拍劇唔代表我轉型踩過界,只係有次同無高層食飯,佢問我有冇興趣拍電視,當時只係話過一句有度身訂造劇本先考慮,點知唔使一個月TVB就話可以開戲,盛情難卻惟有頂硬上。


「成班工作人員都好就得我,知道我拍慣電影每日開工八小時,就連續四個月都盡量配合,其實我唔係扮大牌,只係未能適應到電視製作節奏。《佛》劇中我同邵美琪最有默契,可能以前電影《伙頭福星》合作過,佢亦好樂意教我呢個新人。無可否認,《佛》劇得到大家接受和認同俾我好大鼓勵,TVB見反應好已經話會再搵我合作,不過我份人好懶,一定要足精神至可以再開工,今個聖誕同新年我會留加拿大充電,至於會唔會再拍,明年一月中有時間返至算。」












家庭




當年二十四歲的元彪後生可畏,在事業如日方中之際,忽然成家立室,記者笑說是否搞出人命所致,元彪卻超認真說姻緣來到誰也擋不了。原來元彪與客串拍《提防小手》的女演員一次片緣情定今生。如今老夫老妻,依舊如拍拖時甜甜蜜蜜,靠的是一個「信」字。


「雖然我外表感覺花弗,但其實完全相反。由細到大都渴望早日組織幸福家庭,好想擁有一個家庭圓滿感覺,加上呢個圈太多引誘,既然遇到一個可以情定終生另一半,何不快快趣趣拉埋天窗。記得廿七年前拍《提防小手》,見到其中一個女演員怕怕醜醜,非常純品,一都唔似做戲,原來佢只係貪新鮮客串做臨時演員,正職係做保險,於是我好老套咁約佢睇戲食飯,雖然唔算特別浪漫,不過好快就情投意合,計劃結婚。


「做夫妻廿五年,風浪總會有,但係大家都好努力去維繫,佢雖然係圈外人,但好明白我所做一切,就算我成日唔佢身邊,亦甚少怨過半句,加上教得一對仔女聽教聽話,我真係好感激佢。大女今年都二十歲,加拿大讀大學修建築系,細仔十七歲讀緊中學,兩個細路完全冇打算返香港加入娛樂圈,對我講未嘗唔係好事,至少佢唔係看重名利人,只要將來佢做到自己想做事,我已經算係功德圓滿。


娛樂圈引誘大,元彪這次隻身回流拍劇,難得太太依然拍心口投信心一票,元彪亦非常識做,大談夫妻相處之道,向老婆大派高帽兼定心丸。


「我份人好傳統重過時過節一家人齊齊過,所以就算幾忙我都要飛返加拿大同佢一齊食餐飯。閒時就同老婆種花,去Wal-Mart逛,禮拜日就最鍾意打golf,咁寫意生活,先至係我最嚮往。今次返拍劇其實老婆係最支持個,佢知我戲癮大,二話不說就幫我執定行李,仲話做得開心再拍都唔成問題,照顧仔女有佢搞掂,你話咁好老婆去邊度搵。所以做老公我亦好識做,今次返去早已經買定禮物,總之你我,我你,咁就大家開心。」








意難平




訪問拍照當日,地點揀選尖東海旁,元彪看對岸的高樓大廈,不禁嘆了一句︰「變了很多。」


問到何以咁大感觸,元彪說移民八年,溫哥華那邊幾乎絲毫沒變,反而香港經歷高低起跌,若然沒回歸搏殺,不知差異之大。


做人何嘗不一樣,八年一大翻,天王郭富城轉型再培訓搖身一變金馬影帝,元彪起初更沒想過投身公仔箱做初哥。元彪今次再踏征途,難保一、兩年後砌低陳豪、林保怡,到台慶我最喜愛男主角獎。


談到這裏,元彪顯得意難平,其實要完全愜意,談何容易。


MS木有人贴~
  评论这张
 
阅读(192)| 评论(0)
推荐 转载

历史上的今天

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017