注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

笔·三文鱼的个人主页

 
 
 

日志

 
 

[11.23news]梁詠琪學做火星人  

2005-11-23 08:56:13|  分类: 默认分类 |  标签: |举报 |字号 订阅

  下载LOFTER 我的照片书  |

23/11/2005
文: 娛樂小組 攝:秦健輝



梁詠琪闖入火星─她口中的娛樂圈─原來已十個年頭,但她卻花了整整八年才適應火星生活。開始感到有一份使命感的她,自信未來十年會過得更好。

成長
梁詠琪(GiGi)即將與歌迷舉行入行十周年慶典,她笑說:「出道五年時候,有次去內地公幹,其中一位歌迷同我講『我愛你愛足十年』,當時我好激氣,覺得佢亂,估唔到一眨眼真係過十年喎!」十年得失令GiGi在不知不覺中成長,由校門「躍身」進五光十色的娛樂圈,箇中冷暖只有當事人才知道。今時今日,她有足夠信心說:「未來十年,我會過得更加好!」

小女子大重擔
銀色旅途璀璨迷人,GiGi卻曾感迷惘:「開始時,我覺得好似由地球去火星咁,唔知發生咩事,要花時間去適應當地水質同重量。當年突然由學生變老闆,全公司同事都睇我頭做,感覺幾恐怖,呢兩年先開始習慣,仲有種要照顧為我工作人下半生使命感,膊頭好大負擔囉!」

展望
GiGi的名利有目共睹,她坦言「慳慳夠過埋呢一世」,不過她笑說:「就算結婚生BB,我都會選擇性咁接Job,我好羨慕林憶蓮,可以事業、家庭兩邊兼顧。(怕唔怕畀人見到老自己?)老有唔同味道!你睇白雪仙行出幾高貴?我諗我六十歲都會Yohji Yamamoto扮靚,會係一個好型阿婆囉!」

寓工作於娛樂
從未想過轉行,皆因她覺得當藝人不是「遞辭職信就可以走人」。GiGi不諱言自己興趣多多,先後想過做生意、開學校,不過統統只視為兼職:「可能有人會覺得一份工(指藝人)一做做三十年好悶,如果用『捱』心態睇呢件事就梗係啦!呢幾年,我學識用玩心態去享受,寓工作於娛樂,感覺真係好好。」

傳聞



23/11/2005
文: 娛樂小組 攝:秦健輝



GiGi慶幸的是入行以來緋聞不多,公開的男友來來去去只有一個鄭伊健,最近成為「A1頭條」,亦只因被人偷進酒店房,以受害者姿態接受記者採訪。談到與記者的關係,GiGi不禁說:「入行以前,以普通市民心態睇報紙,覺得所有新聞都係真,入行先知,所有未必係事實。以前畀人亂寫,我會好激氣,不過依家成熟,開始識得將心比心,有時我會問自己,有咩可以同記者合作。」

拒作辛苦抗衡
「記者都係打份工!一樣受壓力,係咪真係好冇新聞先搵梁詠琪呢?咁樣諗會正面,我都想睇有冇可以幫到手,希望大家關係唔再係互相攻擊,成日對抗都好辛苦!」GiGi坦言。

存亡
古代的人死後,墳墓上刻有身故者的生平軼事,以紀念其一生的豐功偉績,人稱「墓誌銘」。假如有藝人身故,傳媒會第一時間輯錄其生前演出精華,好讓迷哥迷姐懷念。

墓誌銘刻歷程
GiGi對此「破禁」地說:「我諗過如果我死,大家應該剪乜片段懷念我,《嚦咕嚦咕新年財》個掃把頭啦!演唱會打Boxing片段啦!《心動》面同金城武接吻啦!當然唔少得當年舞台劇精華片段……應該都幾豐富,大家會見到一個百變梁詠琪!」當年的舞台劇令GiGi與伊健一吻定情,靚女無論在感情及事業上皆遇到轉捩點,倘若不加插在「墓誌銘」內,總覺若有所失。


把林憶蓮(左)視為「超級偶像」的梁詠琪,羨慕對方能事業、家庭兩兼顧。

梁詠琪與鄭伊健一劇定情,該舞台劇可謂是梁詠琪愛情與事業的轉捩點。

梁詠琪放下靚女形象,戴上騎呢掃把頭拍攝賀歲片《嚦咕嚦咕新年財》,令人眼前一亮。
  评论这张
 
阅读(123)| 评论(0)
推荐 转载

历史上的今天

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017