注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

笔·三文鱼的个人主页

 
 
 

日志

 
 

[快周刊]乖仔唔易做 方力申  

2006-08-17 18:42:14|  分类: 默认分类 |  标签: |举报 |字号 订阅

  下载LOFTER 我的照片书  |






去年跟阿嬌同遊瑞士,結果惹來一連串負面新聞。

在新片《戀愛初歌》中,跟側田和吳雨霏合作,飾演一名有錢仔。

與Stephy的緋聞傳個沒完沒了,關係依然曖昧。

方力申說,主持《美女廚房》令他壓力很大,幸得好友鄭中基開解。


如果,我是一個屋企有米、年輕靚仔的新晉藝人,無論如何,我都不會走乖仔路線!至少,我可以擺明讀唔成書,可以公然溝女,可以不時講兩句粗口或打交,仲可以懶理狗仔隊晚晚去蒲,只要謹記工作要做得好好睇睇,以及跟圈中各方大粒人士保持良好關係,照計就可以有排玩兼有錢賺!


不是嗎?你看方力申,入行六年來有幾辛苦?作為香港游泳紀錄保持者,仍要繼續練水;入到港大,又一定要讀到畢業;冇得蒲冇得講粗口冇得打交,但又要經常留神狗仔隊;仲要周不時為政府各部門做免費宣傳大使,告訴大家「日日運動身體好」、「記得換智能身份證」、「交通安全有幾重要」……形象營造得再正面不過了。



只是,去年初被拍到和阿嬌去瑞士後,是非便衝而來,更被傳媒封為一腳踏兩船兼講大話的「賤男」,千年道行就此一朝喪。我以為事件過後,要保住「乖仔形象」這個牌坊,對方力申來說,會變成一個沉重壓力,但當事人卻聳聳肩說:「十一、二年來的游水生涯,令我對自己有一定約束,所以『乖仔形象』對我來講,壓力唔大。」



是的,只要形象本來就是自己的真性情,根本不用擔心會否保得住,所以,方力申說,這年來最令他心急的,是新唱片的進度。「上年年底開始籌備,但到現在我只錄了五首歌,其實都心急,不過我都會信任阿Mark(雷頌德)、信任公司囉。」



最後那一句賣口乖,才是這段說話的重點。



方力申說,接受訪問的最大好處,是可以令外界更清楚他的為人。所以,有關新片《戀愛初歌》的話題,彼此也很清楚不過是開場白;又所以,在談論到他於此片中的角色時,他會忽爾說:「今次拍《戀》片,對我來說絕對是很流暢,始終拍青春片不用想太多表情,不用想怎樣去演,最重要是能夠交待件事,令觀眾投入去睇齣戲。反而之前的《獨家試愛》就比較難演,因為要做衰人。」


然後我知道,是時候轉個話題,談談去年那些負面新聞。


人格


事實上,並不難理解去年那一連串的負面新聞,為何會令方力申仍耿耿於懷:畢竟五年來苦心經營的「乖仔形象」,一下子淪為一個一腳踏兩船的「賤男」,的確叫人唔嬲就有鬼!


「入行幾年來,我都是第一次遇到這麼多負面新聞,那些雜誌上所講的,有九成都不是真的,一下子我都不懂得怎樣去面對。到底我應該要繼續接受訪問呀?還是不說話呢?結果我還是選擇接受訪問,因為大家不熟悉我嘛,所以我想藉我的口,去講清楚件事。


「那時我EQ都未咁高,當然未睇通啦,都會唔開心、會嬲,因為直情影響到我人格喎!但當我知道有好多人明白自己、支持自己,個人就舒服好多。」


猶幸的是,去年11月,「賤男」這稱號終於被梁榮忠取代。當時有冇甩難的感覺?「唔會。這個形容詞不過是一本八卦雜誌所寫的標題,我並不覺得這個形容詞是Label在我或者鄭中基身上。


「其實過去事,我都唔會再去諗,我覺得只是一場經歷,會令自己長大,都好。


「有負面新聞唔緊要,最緊要是你做的工作比負面新聞更多人留意咪得囉,都唔係好難,你叻咪得囉。(咁你叻唔叻?)咁咪要叻囉!」


阿嬌


接,他忽然問我有沒有睇《軟硬》騷。「他們有提到我和Ronald的緋聞,但只要細心聽,便會知道他們其實為我和Ronald講說話,亦很清楚成件事是怎樣——這個我不想再多講了,但由此可見,我上年為何會突然多了這麼負面新聞,圈中其實有很多人是會明白的。」


軟硬那段說話是這樣的:「家紅組合唔多,以為Twins係女仔好快就要嫁人,人就好快唔記得佢,不過Mani好呀!幫佢打入新成員,新成員就係方力申同鄭中基囉!」


我不知道,方力申跟我對這番話所領會到的是否相同,但我只記得,去年10月有說,因為「申嬌戀」分手,連金牌和英皇兩間公司的關係也惡化起來。


還介意講阿嬌嗎?「唔介意,不過始終大家唔同公司會好尷尬,講到任何都會牽涉到別人公司,費事囉。但其實大家係朋友。(見到面會否打招呼?)好耐冇見,佢(Twins)成日去做宣傳好忙。就算公開場合,有時在後台見到咪見囉,打到招呼咪打囉……見到面我都會打招呼。尷尬就唔會啦,但如果有記者在場就費事啦。


「朋友式的聯絡都會有,Send Message咪會囉,但行街、食飯、睇戲就冇。其實我有撞到佢,有時學唱歌,我都會見到佢同阿Sa,要講都講到,並唔係大家講到唔係朋友、反晒面。」


我想起去年跟方力申做訪問,同樣地,他由始至終都沒有提到「鍾欣桐」或「阿嬌」這五個字。


「對於傳緋聞,我冇得介意,因為我控制唔到,不過都慣啦,最緊要唔好太多,亦好視乎雜誌會寫乜。


「現在傳緋聞已經變得好複雜,有好多角度去寫,有些是宣傳性,有些是針對性,但無論是真是假,我都唔係衰人!總之講到我好差、影響到我屋企和工作就唔好。」


有心人應該會聽得明他在說甚麼。


碎料


方力申說,自己每年總會有一段情緒低落和很多煩惱的時間。今年發生在上個月,煩惱的不過是為了這年來只顧拍電影,新唱片卻仍未推出,怕歌手形象模糊起來罷了,比上年那些影響到自己人格的負面新聞,小巫見大巫得多。


我問他,早前說他主持《美女廚房》猴擒女嘉賓,又算不算是影響到他的人格?「猴擒事件?未睇喎……」


繼而緊張地取去我手上那份報道,細閱每張照片。「哦,呢篇。(嬲唔嬲?)唔嬲!都唔關事……」


他指那幅摸靚女廚神的大相分析:「呢個我只係三隻手指掂到佢咋喎……(再細閱摸阿嫂劉心悠的相片)佢跌嘛?冇所謂呀,呢報道冇乜人去理!雜誌風氣就係咁。不過自從呢篇報道出,我都冇掂過任何一個嘉賓!


「我呀,差唔多每次坐的士,十個有九個的士司機都會同我講,佢唔會睇雜誌,又會話知道好多新聞都係做出,叫我唔使理,做好自己,好多都好支持我。


「我覺得市民都好清楚八卦新聞根本唔使咁認真去睇,一個星期有咁多本雜誌,連雜誌裏面做的,都只是每個星期在想做甚麼新聞。現在那些新聞,根本只係做,而不是報道,所以我對這種新聞冇乜所謂。」


曖and#26153;


方力申沒有所謂的,還包括他跟Stephy的緋聞。


我直截了當地問他:「你同Stephy係咪拍拖?」他很大反應地說:「梗係唔係啦!我唔介意同佢傳緋聞,我同佢下個月又有新戲拍,可能到年底前都仲有一齣戲合作,一直以來我和她有這麼多合作,傳緋聞好正常,我反而怕外界會唔鍾意睇。


「我自己其實都怕同佢拍拖,大家將來還有這麼多合作機會,萬一鬧交,咁點做,所以我會更珍惜現在這種合作關係。」


Stephy咁靚女,冇鍾意過人咩?「靚女大把啦,全行個個都靚啦。」但大家咁夾……「你又知夾?我同佢有多唔夾!我好麻煩。」


既然彼此只有合作關係,我便不明白了,為何早前他倆在《美女廚房》會顯得如此曖昧?又為何方力申會為Stephy新書《不要忘記》公開大讚呢?又為何3月時,他跟Stephy去飲茶,結果因為發現狗仔隊,搞到要飛車逃亡呢?


「飛車?哦,日我同Stephy一齊做,都係同一架車,成日都係咁啦……咁見到記者,冇理由仲食,真人騷咩,梗係走啦!」


我再向他轉述了報道中,他們逃亡時褓母車的駕駛情況,他又很緊張地以「交通大使」的口說:「簡單來講,交通安全係重要,第一、車唔係我;第二、我亦都冇叫司機咁。」


這方面,還是聽我們做訪問的褓母車司機答得妙:「原來《頭文字D》係咁易拍,開得好慢都會話到你好快!我有幾快,佢(記者)都有幾快!」


睇,有關方力申和Stephy的緋聞,我下次應該要訪問這位司機哥哥。


榜樣


方力申糾正我,他的形象應該是叫「健康」。「因為我是運動員出身嘛。」


當然,「乖仔」話晒都是一個正面的形容詞,他仍是十分受落的,甚至可以解釋由來:「我覺得主要是我錫屋企人囉。」


其實「健康」也好,「乖仔」也好,反正他要強調的是:自己並非衰人—更要強調的是,他由始至終都有一個「做年青人榜樣」的使命,所以在公在私都不能行差踏錯,偉大!


「我最初都唔覺對人會有影響,但當看到一些歌迷信,轉述我在訪問中的說話時,我就知道原來大家會睇,亦冇想過我的說話會有激勵作用。所以我就算入了行,都要繼續讀大學讀到畢業,都要繼續練水,為的,都是想做個好榜樣,希望自己能帶出一些正面訊息給青少年。因為我要做人榜樣,言行舉止都會影響到人,所以我真係怕自己會犯錯!當自己都做得好,再去勉勵其他人時,說服力都會強啦!」


乖仔的確唔易做,微小如做這個訪問,他都顯得很有使命感:甚至拍完照片,換回自己服裝後,他都會主動走過來幫我摺衫兼放到紙袋中—


我都話,如果我是個屋企有米、年輕靚仔的新晉藝人,一定不會走乖仔路線!至少,摺衫這等粗重功夫,我都可以老奉唔使理,拍拍籮柚就走得,仲理你會唔會寫埋出? 會唔會影響到年青人咩?
  评论这张
 
阅读(275)| 评论(0)
推荐 转载

历史上的今天

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017