注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

笔·三文鱼的个人主页

 
 
 

日志

 
 

[3周刊]死亡筆記 劉丹  

2006-09-23 12:54:13|  分类: 默认分类 |  标签: |举报 |字号 订阅

  下载LOFTER 我的照片书  |




小時侯,劉丹十足十一個野孩子。誰不知到了十五歲,劉丹蠻氣全消,變成個斯文帥哥。

二十五歲的劉丹,沒有留兩撇鬍子。其後經高人指點開始留「二撇雞」,形象成熟了,但從此順風順水。

三十年前,劉丹在《上海灘》已做中生角色,三十年後,在《匯通天下》亦飾演中生角色,演足多年亦不用演老角。

劉丹從影數十年,演過不少經典角色,特別是《射鵰英雄傳》的洪七公,令人印象難忘。

十多年前,劉丹一家四口合照,劉太更為他誕下一子一女,當年的劉愷威十分趣緻。

劉丹十分信邪,曾把婚戒溶掉再鑲上玉石。唯一不變的是,他手上一直戴有婚戒,對妻子永遠從一而終。

日本話題電影《死亡筆記》講述男主角拾到一本筆記,只要在筆記寫上某人名字,那人必死無疑!幸好現實沒有這本筆記,否則你要我死,我要你死,天下大亂,死得人多。


講真,人生必經生老病死,上天要你生,你不能不生;上天要你死,你不能不死。人尚且未能控制自己的生死,又怎會有權操控人家的生死?要談論誰該死,誰不該死嗎?你我都沒有資格!


跟劉丹談論人生經歷,他說︰「有老天爺睇住!」原來他亦有一本死亡筆記,由他口中的老天爺來執筆,筆記中寫過「舉家逃難」、「挨餓挨窮」、「沉船遇險」、「跌傷險癱」等情節,若果貓有九條命,劉丹也有四條命,險些四次瓜老襯,可幸老天爺筆下留情,寫上︰「劉丹!時辰未到,未死得!」


劉丹原名劉慶基,原籍山東威海,四歲舉家來港,曾從事建築、行船,三十八年前投考做演員,飾演過無數角色,包括《真情》的叉燒炳、《射鵰英雄傳》的洪七公、《飛短留長父子兵》的佐冶哥,全部皆是中生的經典角色。年屆六十歲之齡,劉丹開始從政,擔任議員為民請命。至於以後的路如何走?老天爺還未落筆寫到!


翻開劉丹的死亡筆記,老天爺寫過四大情節,每次皆令他死裏逃生,就連劉丹也說︰「係有!有老天爺睇住!」



好心有好報


劉丹的祖宗是大地主,太公、阿公、父親皆是有錢人,雖然生於大富之家,但卻沒有富戶常見的財大氣粗,反而擁有一夥慈悲之心。當年共產黨還未執政,劉太公眼見一位可憐漁民,因為漁船被風暴打沉了,令舉家無家可歸,無以為生,於是劉太公吩咐劉丹的阿公送上救濟金,起初那漁民亦不肯要,但劉丹阿公還力勸他說︰「你要啦!你要先,將來有錢先至還囉!今日我幫你,日後你再幫番我!」


好景不常,到共產黨上場,開始批鬥有錢人,為保住家人命仔,劉丹舉家被迫逃難,當時只有幾歲的劉丹,由父親抱坐船逃走,「時我好細個,根本唔知乜事,記得晚大人好緊張,仲漏夜舉家逃到碼頭,然後上一隻船。上到船,隻船浮浮,感覺好好玩,完全唔識驚,最後一家人成功逃到青島。好多年之後,家人講番呢件事,我先知幫我逃難船主,就係太公同阿公曾經幫過漁民。原來好心真係有好報。」


借錢度窮關


後來劉丹一家由青島、福州,輾轉逃到香港為落腳點,期間家人被人又呃又騙,最後落得沒有飯開的下場,那時劉丹爸爸四處撲水,總之有工就做,甚至問朋友借錢度日,但在沒有飯開的日子,劉丹又說沒有感覺,「記得爸爸有工開日子,佢出糧一日,一定買一包米、一條鹹魚、一盒腐乳,就係呢最平、最基本食物,令到一家大細吊住條命仔。不過呢日子捱無幾耐,妹妹因為營養不良而患上夜盲症,爸爸為妹妹個病,四出向朋友借錢,買食物、買藥物,最後又醫番好妹妹。諗番段時間,我又唔覺自己好可憐,反而好享受通山遊玩,或者呢的叫做樂天知命。」


後來生於山東的劉爸爸,憑魁梧高大的身材,找到一份警務工作,從此有了穩定的收入,「我一家靠借錢度過難關,當爸爸有經濟能力後,佢亦經常借錢俾朋友,最記得爸爸成日講︰『開口問人借錢,感覺好難堪。人都開口問,一定有佢苦衷,幫到幾多就借幾多,借就預人無得還。』可能遺傳阿公、爸爸性格,所以我對錢銀都睇得唔重,睇得咁重,好辛苦!」


險葬身怒海


改善了生活環境後,劉丹開始有機會讀書,當年他讀畢中學之後,曾做過地盤管工學徒,有六、七百元月薪,收入算是不錯。但六十年代,建築業突然沒落,在失業的情況下,劉丹又跟了世叔伯行船,一去短則十日八日,長則一年半載,「人人行船都好辛苦,但因為我有親戚照住,只係做行行企企工作,做得最多係瞭望員,當時每日朝早八點到十二點,再由晚黑八點到凌晨十二點,企瞭望台望住個海,嘩!悶到發癲。當時我開始諗︰『唔係要一世睇住個海呀?』」


那幾年,剛巧越南打仗,劉丹行船到此,第一次感到人生無常,「去到越南落地一刻,見到越南人好似行屍走肉咁,無晒笑容、充滿仇恨,就連當地美軍亦唔好受,記得有個美軍酒吧一路飲、一路喊,飲到無晒錢咩?賣晒身上衫,再飲過。原來佢第二日就要上戰場,九死一生,命都就快無,惟有借酒澆愁。時開始感受到,原來保住條命係咁重要。」


另一次行船經歷中,劉丹遇上大風暴,差不多到達死亡邊緣。當年他到新加坡行船,那日船隊未出發前,天氣陽光普照,怎料航行不到十小時,船隊就遇上了大風暴,「時成個海係白頭浪,之後一個浪接一個浪,係咁拍埋我隻船,當時船頭已經開始沉,沉到同海平面成水平線,刻大家走晒入船艙,人人都住晒支架,但無人敢出聲,船艙出奇地靜,難聽就係等死,仲有乜說話好講?突然間,船長決定扭回航,呢個時候海面突然靜晒,一扭、一轉,船頭擺正之後,全船人高聲嗌好,然後海面又出現大浪,乘風推住船尾返航。如果轉向一刻,有一個浪埋,肯定全船人bye bye。所以話呢,一定有個人(老天爺)睇住,唔係我一早死啦。」



斷腰遇奇蹟


回港後,劉丹開始想到轉行,剛巧國泰電影公司借用貨船拍戲,令身為船員的他,首度接觸演藝界的人,從而踏進演藝之路,「記得當時知道國泰招考演員,我就搵張自以為最靚仔相,然後寄去國泰應徵,點知行完十幾日船,佢就叫我去面試,之後再行多十幾日船,佢又叫我再面試,最後收到國泰信件,叫我入讀藝訓班。你話個天對我幾好,個心諗住樣,佢就安排好。」


從國泰轉投邵氏,由邵氏轉投佳視,再由佳視入職無,劉丹愈來愈信命運,皆因兩次跳槽不久,國泰、佳視很快就結業,你說神不神奇。從影三十年來,劉丹一直留有二撇雞,原來亦是高人指點,他試過不信邪,大膽剃去鬍子,結果險些送命,「時一面拍《強人》,一面去台灣拍電影,由於劇情需要,台灣就剃鬚拍電影,香港就黐鬚拍劇集,當時又正值我搬新屋,有個高人話︰『你間屋煞氣好重!』,唔知係咪因為剃鬚,鎮壓唔住煞氣,所以當我拍一場跳欄戲時,一跳、一跌,就跌斷條腰,結果入醫院,一就一個月。出院時,醫生話︰『你個case,一百人入,只有兩個可以自己行番出去!』你話唔係個天照住,仲點會有今日劉丹?」



巧妙避意外


摸這撇神奇鬍子的他,又回憶說︰「又記得有次天冷拍劇,成班人生個火堆取暖,當我暖一陣之後,突然心血來潮,向後行幾步,忽然大風一吹,吹跌一個支架,跌正我坐個位,一聲,支架打到張石爆開,當我回頭一望,心諗︰『咦!點解我會自己行開?唔係個天安排我行開,我一定爆頭而死!』」


若然該死的話,劉丹死過四次,但每次老天爺皆手下留情,為何老天要特別眷顧他?也許要他留住命仔,就是要他當演員,為大家帶來歡樂,又或者要他踏上從政之路,當上區議員為民請命。答案?劉丹仍在摸索中。



愛情筆記



若然上天有一本關於劉丹的死亡筆記,肯定亦有另一本關於姻緣的愛情筆記。講完一生險死還生的劉丹,跟記者談到遇上太太的情節,一樣是冥冥中有主宰,他說︰「有次一班朋友出食飯,其中一個朋友女友跌張相,當時我伸手一執,就講笑話︰『嘩!呢個女仔好靚!』點知隔一段時間,呢個朋友就打俾我︰『出啦,有好益你!』就係咁樣見過一次,我就認定佢係劉太!如果唔係朋友跌過佢張相,或者我就遇唔到家呢位太太。」


巧合遇上巧合,巧合加上巧合,到底是真的巧合,還是老天自有安排?你話呢!


最近在做甘草系列?
  评论这张
 
阅读(520)| 评论(0)
推荐 转载

历史上的今天

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017