注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

笔·三文鱼的个人主页

 
 
 

日志

 
 

[快周刊]開心荼蘼 &63046;傅穎  

2006-09-28 17:16:30|  分类: 默认分类 |  标签: |举报 |字号 订阅

  下载LOFTER 我的照片书  |





和阿詩的緋聞傳足四年,Theresa說,二人不過是知己。

母親獨力養大她們三姊弟,令Theresa十分敬佩!

擔任《黑拳》女主角,飾演妓女。「導演因為看過我在《雀聖》中的妓女角色才找我。」

Mini Cookies四姊妹,她是最後一個作獨立發展,將會走Dancing Girl路線。



據說,古人每年只要看到荼蘼花盛放,便曉得是深秋時份,因為荼蘼花正是花季中最後盛開的花種。


說起來,傅穎的事業發展也如荼蘼:Mini Cookies其他三位成員鄧麗欣(Stephy)、吳雨霏(Kary)和楊愛瑾(Miki)都早已各自單飛了,但Theresa到今年才叫正式起步,足足遲了兩、三年。


有說她之所以跟其他姊妹步伐不一,主因是她和何韻詩的一段密友關係,令金牌大表不滿,繼而決定把她雪藏。


「公司係雪我呀,雪醫院呀嘛!」她說。「我有段很長的時間,扁桃腺發了很多次炎,入醫院入了很多次,每次都要留足一個星期院吊鹽水,最後仲要搞到做手術。


「那段日子,我不能唱Show,事業『真空』,其他三個Cookies都在做『森小』(森美小儀歌劇團),我就在醫院留醫。結果,我今年才開始做『森小』……」


不心急嗎?「都心急!不過我覺得娛樂圈是個長途賽,唔適合時候出來,一衰就冇得翻身!」


話說至此,她馬上醒起要向黃柏高賣賣口乖:「Paco令我最佩服之處,是他揀的Timing好好!如果他要Keep一個藝人在公司,他一定會為對方選擇最適合的Timing才出來見人。這方面我很信任他的安排,因為他要捧一個藝人時,就一定要得!」


我沒有看過荼蘼花,不知道模樣如何,但據資料形容,荼蘼乃落葉灌木,羽狀復葉,花白有香氣,其莖附鬈鬚,須依附硬物來往上生長,屬攀緣莖——


哈!原來以荼蘼來形容Theresa,的確幾貼切!



在新片《黑拳》中首次成為女主角,代表了傅穎正式作個人發展。


「我今年會先拍電影為主,《黑拳》之後,11月亦會有另一齣戲上。」


至於個人唱片,「我將會走跳舞路線。本來是今年推出的,但現在就安排了下年才面世。既然大家對我的形象比較模糊,加上我又『真空』了一段時間,那不如趁這段日子,先去加深大家對我的印象,例如在側田個唱上跳一Part舞,又例如在『森小』的歌劇中又跳Part舞當做預告。」


但事與願違的是,她的「獨立時代」開始之時,最叫人印象深刻的,反而是那三篇她與「筍盤王」Neal蘇頌智的緋聞報道。


筍盤


「那篇報道,我自己睇到都『?』」她十分勞氣地說:「我只是和一個朋友從Salon行出來,被人影張相,就出現了一連串故仔。


「他們(該雜誌)由第一次講就開始作,就算是我回應他們的對答,都是他們自己作!寫完第一、二篇都算啦,竟然仲有第三篇!讀者睇到第三篇,真係會覺得『仲唔係真?』


「其實個報道都冇影到我乜,都是我一個人去買碟,或是跟朋友吃飯,但就話我只顧拍拖唔做!嘩!真係嬲到我呀!


「仲作到對方的爹、媽咪唔鍾意我,人爹、媽咪點會無端端唔鍾意我?我好唔明點解要咁寫我囉!」


然而,不是有說曾經見過Neal的家人嗎?「那次不過是我和Miki、方力申去打邊爐,人(Neal)就同屋企人另外一,大家見到面咪『Hi!』咁囉!我都有跟那本雜誌講,但結果都是被人作!就算連我搬屋,都可以寫到我是為跟佢住得近!」


至於跟Neal的關係,據Theresa形容則猶如她和髮型師。「Neal其實是方力申的Friend,我們全世界(金牌)都識佢!就係連整頭、化妝都識佢!


「我跟他每次見面,都係公司有同事生日,或者一大班人,不過三篇報道之後,我同佢雖然仲有聯絡,但就少見面!」


骨氣


報道中指她使Neal的錢,又因為有這位有米男友照,入住西環萬三元租的高級屋苑泓都。Theresa語氣很重地說:「簡直好侮辱!他們講到有人幫我俾屋租,嘩!真係嬲到震!好人身攻擊!好唔鍾意外界以為我係個咁冇骨氣人囉!


「我諗,因為我曾經透露過我小時候屋企好窮,所以他們就聯想到我要釣金龜。」


翻查資料,Theresa的家庭狀況是:出世時住在木屋區,嬰兒時期,家裏連奶粉錢也沒有,只能喝豬骨湯水。父親在她小學四、五年級時,與母親分開,Theresa三姊弟從此開始過單親的生活。


「我媽咪一個女人養大我們三姊弟,每日放工返到屋企還要煮飯給我們,好勁!到現在,我家姐雖然已經讀完大學,我又出來工作幫補屋企,但媽咪仲堅持繼續做!是媽咪教曉我,做人要自力更生。


「咁耐以,要我講緋聞,我都唔會嬲,但就唔可以咁樣踩到我人格,同埋屈我囉!」


阿詩


談到緋聞,我打蛇隨棍上問,她跟何韻詩那段傳足四年的曖昧關係。


「我講過唔係,大家唔信都冇辦法!


「阿詩有時會打俾我話我知:『喂,聽日會有單新聞講我,會有你份呀!』然後第二日就會見到頭條,寫她和Joey一起去看『森小』,我就在台上演出,她旁邊還有個舊愛劉浩龍……如果大家真係有,你估佢會唔會咁開心打?


「我同阿詩都唔會理呢新聞,更加唔會尷尬,大家都明白傳媒要寫你,乜都可以寫一餐!


「在圈內,阿詩算是我一個知己,她大我很多年,又習慣去照顧人,所以她會像大姐姐般Take Care Of我,佢真係好好!可以講,在這個圈,除了公司的同事會撐我之外,她亦會撐我!她是個義氣人!所以大家才可以Keep到個Friendship如此好。」


咁到底阿詩有冇追求過你先?


「嗯……阿詩好易令人誤會囉,但我同佢咁耐以真係冇,大家識四、五年,外面就寫到好有,仲話力追我……」她忽然頓了頓才說:「力追我,做唔到朋友!」


那跟阿詩的「新歡」容祖兒認識嗎?「不算熟,也不算是我的Common Friend,大家只是見到面會Say Hi。」


抗拒同性的追求嗎?「應該話,我唔抗拒呢樣(同性戀),但我自己唔係。」


真空


Theresa澄清,03年尾至04年的曝光率大減,並非傳聞所指公司不滿她和阿詩來往而遭雪藏,而是因為她的扁桃腺經常性發炎。


「別人可能每年才會翻發一次,但我呢,三個月就已經翻發了五次!搞到我不斷咁發燒,不斷入院吊足成個星期鹽水,結果最後我都頂唔住,決定要請假入院做手術,把發炎的部份割掉。」


她說,那段日子是她入行以來最迷惘的時候,因為工作成了「真空」狀態。


「始終我簽的是唱片公司,又剛剛Plug了首合唱歌(和Stephy合唱的〈親朋勿友〉),但我卻無端端唱不到歌,甚麼都做不到!好驚!想法都很灰,覺得自己停滯。公司同事個個看我都有心無力,想幫都幫唔到我。仲要睇住其他成員個個開始起步,我就更加擔心自己的前途!


「那時我晚晚返屋企都喊,媽咪想番我開心,就張Contract對我說:『你簽時說過不會後悔,既然選擇了入行,無論有幾辛苦,都不能放棄!』結果,我諗到在這行還有很多事未做,才決定繼續撐下去!」


她說,猶幸的是,那時收入雖則近乎零,但Cookies年代所賺來的錢,還可以應付到那一大筆的入院費和手術費。


「住院費和手術費,真係唔平!雖然我之前的收入,未至於用晒醫療費度,但都用大部分!」


由此可見,Cookies原來都好賺錢。



花未了



傅穎說,有時候,她也很懷念Cookies年代,幾個女仔嘈喧巴閉的日子。


「其實都幾開心、幾得意!大家都俾對方好多回憶。


「最嘈是九個女仔,仲要住埋一齊陣。那時Stephy經常都會嘈Kary唔執房!因為Stephy是Mini Cookies中年紀最大個,Kary又最年輕,所以Stephy會睇住Kary。


「我每次出Trip,我都會要求同Miki一間房,因為試過跟Kary一張床,我可以冇張被,Kary就卷埋一舊。好搞笑!」


不是說你跟Stephy不和咩?「唔止Stephy,直情講到我同Miki、Kary都唔添!唉,傳咁多年,算啦,都講過好多次!每次傳同自己不和,往往都是經常企身邊同自己吹水個!哈哈!然後,見到你咬耳仔,咪話你扮Friend囉。


「以前我做任何都是同一件事,但現在大家都是獨立個體,有自己的路線,根本冇不和。


家仲會周不時約出見面、打牌同行街。有時夜晚出來飲,四個都會一齊,但如果去銅鑼灣行街,我多數會約Kary,因為大家都住港島區;去九龍行街,我就會約Miki同Stephy,因為她們都是住九龍。」


沒有羨慕三位姊妹的發展比自己快嗎?「冇得羨慕。都係句啦,大家出來的Timing根本唔同嘛,Paco都會睇市場需要,好似Stephy出來時,市場上根本就冇玉女,所以Stephy咪食正時候出囉!」


哼,咁都可以乘機賣口乖?

拍过《恋爱自由式》,所以贴~
  评论这张
 
阅读(200)| 评论(0)
推荐 转载

历史上的今天

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017