注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

笔·三文鱼的个人主页

 
 
 

日志

 
 

[3周刊]決戰二世祖 林峰  

2006-09-30 13:01:29|  分类: 默认分类 |  标签: |举报 |字号 订阅

  下载LOFTER 我的照片书  |
林峰有兩個。


一個在男人心中:乞人憎、花花公子、有錢仔、溝晒女。


一個




在女人心中:靚仔、斯文、有錢、有型、自食其力。


同一個人,卻給人兩種截然不同的感覺。






他有女人心目中白馬王子的基因,亦有男人恨到出汁的條件,幸而他未有因此精神分裂。


他的




父親林華國,在內地發展房地產,有「廈門李嘉誠」之稱;祖父林夢飛,是福建省政協副主席,聲名顯赫。


有這樣的家庭背景,有理由相信如果當日他在美國堅持讀完建築,今日肯定已名成利就,在上流社會成為舉足輕重的人物。


他卻選擇做墮入凡塵,在娛樂圈做幾年路人甲乙丙的角色,雖然已冒出頭,但傳媒焦點仍放在其顯赫家底上,不客氣的甚至乾脆稱他為「二世祖」。


「二世祖」這三個字就像開閂掣,只要在他面前一提起,他就像媒氣爐即時撻着,愈講愈慶。

少爺發火,非同小可。


幸好,決戰二世祖的不是我,而是他自己。



少爺甲乙丙


1998年,林峰在美國大學修讀建築系一年級,趁暑假回港,機緣下跟父親參加一個飯局,因長輩一句家常閒話,令他有建築師唔做,毅然走去參加藝員訓練班,人生由路人甲乙丙重新開始。


所謂「朝中有人好辦事」,很多人以為林峰的銀色旅途應該會很好走,父親有財有勢,傳聞又與無线董事利孝和夫人稔熟,就算讀藝訓班,應該亦只是例行公事,一畢業就必定會想當然地受力捧做男主角。


對這傳聞,林峰嗤之以鼻。「其實爹只係同當時藝員部經理陳冠明相熟,98年我同爹、陳冠明三個人食飯,佢只係問我有冇興趣入娛樂圈,一直以來我都知自己唔適合做生意,咁佢問得我,即係覺得我都有條件……至少我係咁覺得,所以我決定報讀藝員訓練班,由始至終我冇靠過任何一個人幫我。」


藝訓班畢業後,林峰說自己都做過幾年路人甲乙丙的角色,呢頭做完將軍,轉個頭下一場又扮死屍,但一直都冇人信,連不少無线藝人都對他的說話存疑,直至去年《創世紀》翻叮熱爆,劇中的台灣獄卒角色,才成為林峰的洗冤鐵證。


「當時唔少人知道我背景後,都少爺前、少爺後咁叫我,仲試過有人好有骨咁話,林峰邊志在份糧。當時我真係好唔開心,我自問冇乜少爺脾氣,我都係打份工,點解要咁叫我?雖然家入到廠,仍然有好多工作人員都叫我做少爺,但感覺完全唔同,態度親密得多。」


父親的約定


去年林峰說過,無論自己的銀色事業如何,30歲便會返回父親的公司幫手,回歸平淡做個生意人,距離這個承諾還有三年,今次他卻透露情況有變,說已跟父親有了新的共識,這個承諾可以不用兌現。


中國人有這樣的一句說話:「子承父業」,尤其是生意規模愈大的商家,多年打下的江山,當然希望可以由自己的子孫繼承,代代相傳。林峰是林家長子,細佬又細他十二年,林峰父親當然希望由他來接手家族生意,可幸是林峰在娛樂圈做出了成績,為自己拿了一面免死金牌。


原來初入行時,林父跟林峰曾經約法三章,希望林峰到了30歲回公司幫手,而林峰亦一口答應,但近年林峰愈做愈有成績,加上父親眼見兒子工作認真,絕不是為了出風頭而做明星,於是又收回承命,讓林峰繼續發他的明星夢。


問林峰有沒有鬆一口氣的感覺,他想一想後回答:「都有少少!」


林峰一再強調,他付出的努力絕對比人多,不過他如此盡力,為的不是出人頭地賺大錢,只是很卑微的要求,希望洗脫別人心目中「二世祖」的印象, 更不想別人以為他入娛樂圈是為了識女明星,但家住帝景園加一部Benz跑車代步,怎樣也不是一個普通藝員可以擁有的奢華之物,所以他始終與「二世祖」結下不解緣。


萬般帶不走


死穴人人有,靚仔又有錢的林峰亦不例外,只是死穴並非他的緋聞,也不是他的整容傳聞,而是「二世祖」這三個字。他可以從容不迫地回應緋聞、身世、整容等問題,但一提到「二世祖」,他的少爺脾氣就如缺堤的江水般洶湧而出。


自林峰走紅後,緋聞傳個不停,先後與李彩華、郭羨妮、陳敏之等女星拉上關係,又曾被傳媒拍下與朋友上夜總會尋歡的照片,更曾被指整容隆鼻,問他如何解釋,他簡單說:「咁多單緋聞,有邊單係真?呢頭話我整鼻、又話尋歡,咁有冇影到我拖住個女仔?」說完還報以冷笑聲。


但一講到「二世祖」三個字,林峰便即時扯火,「我要講明,我屋企有錢唔代表我有錢,圈中大把人屋企多錢過我,點解剩係話我?可以咁講,我只係唔使俾錢屋企養家,但我都要生活,都要食飯、入油、買衫,唔通廿幾歲仔仲問屋企錢咩?我真係好介意人話我係二世祖,我入娛樂圈唔係玩,講真如果要玩,都唔會搵份兩日加埋得兩個鐘工玩。我每次拍劇都好俾心機去做,入行之後我付出起碼比人多兩倍,甚至三倍,我要話俾人聽,林峰唔係玩玩。」


初入行時的林峰,月薪俾盡一萬,但住豪宅跑車,如果唔係係人都知佢屋企有錢,一定會傳佢被闊太包起。林峰說,帝景園是與家人同住,Benz是林父堅持要買,因為歐洲車較安全。當然,有甚麼東西比性命更重要,尤其對有錢人來說。


唯一一段情


常理計,林峰有錢高大又靚仔,加埋現在擁有的名氣,感情生活亦該多姿多采,但林峰說他至今只曾在美國讀書時拍過一次拖,入了娛樂圈後愛情更加唔使諗,因為根本無時間拍拖,答案雖然公式,但對很多女人來說應該是個好消息。


我不是藝人,我不懂做戲,所以當林峰跟我說他只拍過一次拖時,我的表情應該已經無情地將我出賣,以致林峰不厭其煩地詳細再解釋一次。「我都知幾難叫人相信,但我真係只拍過一次拖,因為我自細屋企管得好嚴,放假唔會俾我同同學仔去街,就算平時放學都要立即返屋企,遲少少都會問長問短,我講多件事你聽,我咁大個仔未去過露營,次次同學仔搞我都唔會有份去。所以我第一次拍拖,都係去美國讀書之後先發生,不過都係維持一年左右,仲要大部分時間都係靠書信來往。」


以林峰的條件,他說只拍過一次拖,真係叫人難以置信。假如現在要拍拖的話,他也不想揀圈中人,「如果大家都係娛圈人,佢知、佢識,我一樣知一樣識,咁仲有乜話題?我希望我女朋友可以有教我,就算佢只係一個sales,佢都可以教我sales,我又教佢做戲,咁大家先至有講唔完話題,唔會覺得悶。」



係,你唔悶,但這樣的答案,我悶。



立壞心腸



係我心地唔好、係我立壞心腸。


當林峰話自己冇乜少爺仔脾氣時候,我係有質疑過。


一個一出世已經有幾個工人等住服侍佢少爺仔,就算人品再好,俾人服侍慣點會接受到親力親為工作?


趁林峰換衫走人的時候,我同攝影師構思後記照片的構圖,他聽完後,陰陰嘴笑,像在說:「你好狗,咁都俾你諗到!」


過程係點,唔講,最重要係結局。


一個有助手、有經理人在旁的少爺仔,竟然自己拎住一袋二袋離開,身旁三人則兩手fing fing,比較更像老細。


或者,你會認為整個訪問,林峰的回應好行貨,但個人認為,總好過講到天花龍鳳,但原來係吹水唔抹嘴。

PS:还是那些话题,一点新意都无,也不谈剧~
  评论这张
 
阅读(154)| 评论(0)
推荐 转载

历史上的今天

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017